په کندوز پوهنتون کې نوو راغلو محصلینو ته د ښۀ راغلاست غونډه ترسره شوه
په کندوز پوهنتون کې نوو راغلو محصلینو ته د ښۀ راغلاست غونډه ترسره شوه
سه شنبه ۲۱/۸/۱۴۴۴ ه ق چې د ۲۳/۱۲/۱۴۰۱ه ش نېټې سره سمون لري دکندوز پوهنتون نوو جديد الشمول محصلینو ته د ښه راغلاست او هرکلي غونډه د کندوز پوهنتون د اقتصاد په تالار کې ترسره شوه.
ياده غونډه دکندوز پوهنتون وترنري پوهنځي تدریسي مدیر قاري حضرت الدین شېرزاد لخوا د قرآن عظيمالشان په څو آيتونو پيل شوه. چې په کې د کندوز پوهنتون د پوهنځیو رئیس صاحبانو ، د څانګو آمرینو،استادانو،او اداري کارمندانو ګډون کړی وو.
ورپسې د کندوز پوهنتون د محصلینو چارو مرستیال پوهندوی عبدالقدوس اصولي نوو راغلو محصلینو ته د ښه راغلاست ویلو ترڅنګ زده کړو، اکاډمیک چاپيريال سره بلدتيا او مطالعه ته وهڅول، په غونډه کې د کندوز پوهنتون رئيس ښاغلي پوهنيار ضیاالدین سیرت، لخوا نوو بريالي شوو محصلینو ته د ښۀ راغلاست ویلو ترڅنګ د ټولنيز ادب، ټولنيز اخلاق، متقابل احترام او پوهنتون چاپيريال کې د ځوانانو په مسئوليتونو د اسلامي شريعت په رڼا کې هر اړخيزه وينا وکړه.
ورپسې د کندوز پوهنتون د محصلینو د همغږۍ او خدماتو آمر ښاغلي صفی الله الکوزي ، د پوهنتون نظافت، چاپيريال ساتنې، د پوهنتون او ليليې تګلارې، د اسلامي شريعت په رڼا کې د محصلینو مسئوليتونه او لۀ زدکړيالانو څخه د ټولنې غوښتنو باندې ارزښتناکه ویناوې وې وکړې.
کندوز پوهنتون د عامه پوهاوي او اړیکو مدیریت
