د افغان نړيوال اسلامي پوهنتون هیأت د کندوز پوهنتون له رهبرۍ سره وکتل.
د افغان نړيوال اسلامي پوهنتون هیأت د کندوز پوهنتون له رهبرۍ سره وکتل.
د افغان نړيوال اسلامي پوهنتون د علمي چارو مرستيال ښاغلي پوهنمل ډاکټر میر رفيع الله منیب په مشرۍ څلور کسیزه هیآت د علمي سفرونو په لړ کې دا ځل د کندوز پوهنتون د رئیس صاحب په ګډون د علمي چارو مرستيال ، مالي او اداري چارو مرستيال سره د کندوز پوهنتون په ریاست کې وکتل.
د کندوز پوهنتون رئيس ښاغلي پوهنیار ضیاءالدین سیرت راغلي هیأت ته د ښه راغلاست ترڅنګ د کندوز پوهنتون اړوند اړین معلومات شريک کړل.
ورپسې د علمي چارو مرستيال ښاغلي پوهنیار غلام نبي څپاند، هم د دوی په راتګ خوښي وښوده او دغه راز يې په علمي ډګر کې د کندوز پوهنتون په ورستيو پرمختګونو په اړه خبرې وکړې.
دغه راز د افغان نړيوال اسلامي پوهنتون د علمي چارو مرستيال ښاغلي پوهنمل ډاکټر میر رفيع الله منیب د کندوز پوهنتون له رهبرۍ څخه د مننې وروسته د افغان نړیوال اسلامي پوهنتون د پېژندنې او د هغې د موخو، ماموریت او دندو او د کندوز پوهنتون سره د علمي د ګډو علمي څېړنو او نورو علمي برنامو په اړه خبرې وکړې.
هیره دې نه وي چې په ریاست کې دناستې وروسته دکندوز پوهنتون رئيس ښاغلي پوهنیار ضیاءالدین سیرت په ګډون د علمي چارو مرستيال ښاغلي پوهنیار غلام نبي څپاند ، مالي او اداري چارو مرستيال ښاغلي قاري محمد امير صادق یې هم ملتیا کوله د کرنې پوهنځي رئیس ښاغلي پوهنمل ګل آغا صادق په ګډون د دې پوهنځي له استادانو سره هم د غونډه ترسره شوه چې یو شمېر موضوعاتو خبرې وشوې.
نېټه: یک شنبه 13/1/1445ه ق، 8/5/1402 ه ش
د عامه پوهاوي اړیکو او نشراتو عمومي مدیریت
