د کندوز پوهنتون رئيس په مشرۍ رهبري شورا ناسته ترسره شوه
د کندوز پوهنتون رئيس په مشرۍ رهبري شورا ناسته ترسره شوه
یاده غونډه چې د ریاست په دفتر کې ترسره شوه په کې د کندوز پوهنتون رئيس ښاغلي پوهنیار ضیاءالدین سیرت په ګډون د علمي چارو مرستيال ښاغلي پوهنیار غلام نبي څپاند ، مالي او اداري چارو مرستيال ښاغلي قاري محمد امير صادق ، د محصلینو چارو مرستيال ښاغلي پوهندوی عبدالقدوس اصولي او د رهبرۍ شورا ښاغلو غړو ګډون کړی و.
غونډه د کندوز پوهنتون رئيس ښاغلي پوهنیار ضیاالدین سیرت د ګډونوالو ته د ښه راغلاست سره پیل شوه او ترڅنګ يې د رهبرۍ شورا ناستې د اجنډا اړوند د معالجوي طب پوهنځي _ ستوماتولوژي پوهنځي د لابراتوار ته بوديجه ځانګړې کول د ۲۸ اسد په مناسبت غونډې ته چمتووالی او یوشمېر نورو اړينو موضوعاتو په هکله ګډونوالو ته معلومات وړاندې کړل.
دغه راز په آزاد بحث کې د مالي او اداري چارو مرستيال ښاغلي قاري محمد امير صادق په ګډون ، د محصلینو چارو مرستيال ښاغلي پوهندوی عبدالقدوس اصولي، د علمي چارو مرستيال ښاغلي پوهنیار غلام نبي څپاند او د رهبري شورا ښاغلو غړو د اجنډا اړوند خپلې ارزښتناکې خبرې ګډونوالو سره شریکې کړې.
غونډه د ښو پایلو له ترلاسه کولو وروسته په یوشمېر اړینو موضوعاتو نظرونه وړاندې شول او تصمیمونه ترڅنګ څو اړینې پرېکړې ترسره شوې.
یاده رهبري شورا ناسته د محصلینو چارو مرستيال ښاغلي پوهندوی عبدالقدوس اصولي په دعا پای ته ورسېده.
د عامه پوهاوي اړیکو او نشراتو عمومي مدیریت
نېټه: یک شنبه 26/1/1445 ه ق 22/5/1402 ه ش
