د کندوز پوهنتون رهبرۍ په بهرنيو هېوادونو د دې علمي بنسټ د دوکتورا په زده کړه بوختو استادانو سره انلاين ناسته وکړه.
د کندوز پوهنتون رهبرۍ په بهرنيو هېوادونو د دې علمي بنسټ د دوکتورا په زده کړه بوختو استادانو سره انلاين ناسته وکړه.
په یاده غونډه کې د کندوز پوهنتون رئيس ښاغلي پوهنیار ضیاءالدین سیرت ، علمي چارو مرستيال ښاغلي پوهنیار غلام نبي څپاند ، محصلینو چارو مرستيال ښاغلي پوهندوی عبدالقدوس اصولي د مالي او اداري چارو مرستيال ښاغلي قاري محمد امير صادق په ګډون د پوهنتون دعوت او ارشاد آمر م و ل و ي صاحب عبدالحکیم عابدي په بهرنيو هېوادونو کې د کندوز پوهنتون په زده کړه بوختو علمي کادرونو ، د ریاست دفتر آمر عبدالله نور قدردان او مالي او حسابي آمر صلاح الدين هم ګډون درلود د ریاست په دفتر کې انلاين غونډه وکړه.
په غونډه کې د کندوز پوهنتون رئيس په بهرنيو هېوادونو کې د دوکتورا په زده کړه بوختو استادانو څخه وغوښتل چې تحصيلي ګزارشونه په خپل وخت له اړوندو څانګو سره شریک کړي ترڅو د دوی په معاشونو کې خنډ او ځنډ رامنځته نه شي.
د پوهنتون رئيس زیاته کړه: قدرمنو استادانو تاسې د کندوز پوهنتون علمي کادرونه یاست د خپلو زده کړو تر بشپړېدو وروسته د بل هېواد تکل مه کوئ او بېرته خپل هېواد او د کندوز پوهنتون د پرمختک لپاره لاس په کار شئ، او خپلې علمي تجربې مو ځوانو محصلینو سره شریکې کړئ.
دغه راز د مالي او اداري چارو په ګډون د علمي چارو مرستيال ، محصلینو چارو هم خپلې ارزښتناکې ویناوې په بهرنیو هېوادونو له یادو استادانو سره شریکې کړې.
دغه راز په بهرنيو هېوادونو کې د دوکتورا په زده کړه بوختو استادانو هم په خپل نوبت سره خپل مشکلات، وړاندېزونه او پلانونه شریک کړل چې د کندوز پوهنتون رهبرۍ له لوري د دوی مشکلاتو ته د رسېدو لپاره د پوره همکارۍ ډاډ ترڅنګ څو اړینې سپارښتنې وکړې.
هیره دې نه وي چې په بهرنيو هېوادونو کې د کندوز پوهنتون 30 علمي کادرونه د دوکتورا په زده کړه بوخت دي.
يک شنبه 1402/5/15
د عامه پوهاوي اړیکو او نشراتو عمومي مدیریت
