د کندوز پوهنتون رهبرۍ -د پوهنتون استادانو ،خصوصي پوهنتونونو استادانو د کندوز ولايت محترم والي صاحب سره وکتل
د کندوز پوهنتون رهبرۍ -د پوهنتون استادانو ،خصوصي پوهنتونونو استادانو د کندوز ولايت محترم والي صاحب سره وکتل.
شنبه ۱۴۴۴/۸/۱۳ چې ۱۴۰۱/۱۲/۱۳ نېټې سره سمون لري د کندوز پوهنتون رئيس ښاغلي پوهنيار ضیاالدین سیرت په مشرۍ د پوهنځیو رئيس صاحبانو ، محترمو استادانو ، د خصوصي پوهنتونونو محترمو استادانو او مسؤلینو د کندوز ولايت محترم والي م و ل و ي صاحب نثار احمد نصرت سره د کندوز ولايت مقام د غونډو په تالار کې وکتل.
غونډه د کندوز ولايت د دفتر رئیس ښاغلي م و ل و ي صاحب عبدالغفور شهیدزوی په ښه راغلاست او وینا سره پیل شوه.
ورپسې د کندوز پوهنتون رئيس ښاغلي پوهنيار ضیاالدین سیرت د غونډې اجنډا اړوند د ۱۴۰۱ ل کال کلنی راپور له ولايت مقام او ګډونوالو سره شریک کړ.
په غونډه کې د کندوز پوهنتون د استادانو په نمایندګۍ د کندوز پوهنتون د ښوونې او روزنې پوهنځي رئیس ښاغلي پوهنيار سيد کمال معنوي د استادانو شته ستونزې او مشکلات د کندوز ولايت مقام سره شریک کړل.
په غونډه کې څو نور ګډونوالو هم د اجنډا اړوند اړينې ویناوې وکړلې.
ياده غونډه د کندوز ولايت محترم والي م و ل و ي صاحب نثار احمد نصرت ، په منندوی ،وینا او دعاء پای ته ورسېده.
د کندوز پوهنتون عامه پوهاوي او اړیکو مدیریت
