د کندوز ولايت څو ویښو زلمو د کندوز پوهنتون کتابتون سره 500 ټوکه کتابونو مرسته وکړه.

د کندوز ولايت څو ویښو زلمو د کندوز پوهنتون کتابتون سره 500 ټوکه کتابونو مرسته وکړه.

چهارشنبه 13/10/1444 ه ق چې د 13/2/1402 نېټې سره سمون لري،د کندوز ولايت څو ویښو زلمو د کندوز پوهنتون کتابتون سره 500 ټوکه بېلابېلو برخو کتابونو مرسته وکړه.

یاده ناسته د کندوز پوهنتون عمومي کتابتون کې‌ترسره شوه، چې په کې د کندوز پوهنتون رئيس ښاغلي پوهنيار ضیاءالدین سیرت ، علمي چارو مرستيال ښاغلي پوهنیار غلام نبي څپاند ، مالي او اداري چارو مرستيال ښاغلي قاري محمد امير صادق ، د محصلینو چارو مرستيال ښاغلي پوهندوی عبدالقدوس اصولي د پوهنځیو ښاغلو ریئس صاحبانو او د کتابتون عمومي مدير صاحب ګډون درلود، د کتاب ټولنې او لوستنې بهیر مرستيال ښاغلي وحيدالله کارون له لوري یاد شمېر کتابونه د کندوز پوهنتون کتابتون ته تسليم کړه.

د کندوز پوهنتون رئيس ښاغلي پوهنيار ضیاءالدین سیرت یاد بهیر له مرستيال او د هغو ټیم څخه مننه وکړه او هغو ته يې د کندوز ولايت ویښ ځوانانو لقب ورکړ ، همدا راز يې د کتاب ارزښت په اړه خپل علمي ویناوې ګډونوالو ته واورولې.

په دغه ناسته کې د کندوز پوهنتون علمي چارو مرستيال ښاغلي پوهنیار غلام نبي څپاند په شمول د محصلینو چارو مرستيال ښاغلي پوهندوی عبدالقدوس اصولي ، د وترنرۍ پوهنځي ریئس صاحب، د کتاب ټولنې او لوستنې بهیر مرستيال ښاغلي وحيدالله کارون او ملګري د ستایلو ترڅنګ داجنډا اړوند خپلې خبرې ،نظرونه ، وړاندېزونه ، له ګډونوالو سره شریک کړل.

کندوز پوهنتون د عامه پوهاوي او اړیکو مدیریت