د کندز پوهنتون محصلینو ته ،د وینا کولو مهارتونو، تر سرلیک لاندې 25 ورځنی سمینار پای ته ورسېده.
د کندز پوهنتون محصلینو ته ،د وینا کولو مهارتونو، تر سرلیک لاندې 25 ورځنی سمینار پای ته ورسېده.
د کندوز د محصلينو د خدماتو چارو آمريت د خپلو ښوونیزو پروګرامونو په لړ کې دا ځل 25 ورځنی سمینار د وینا مهارتونه،مدیریت روزنه، په خبرو کې پر ځان باور زیاتول شامل وو چې د ښاغلي زاهدالله "خالد" لخوا د کندوز پوهنتون حقوقي کلينک په تالار کې په بریالیتوب سره وړاندې شو.
یاده غونډه چې د محصلینو خدماتو چارو آمريت په تالار کې جوړه شوې وه ، په کې د کندوز پوهنتون رئيس ښاغلي پوهنيار ضیاءالدین سیرت ،د محصلینو چارو مرستيال ښاغلي پوهندوی عبدالقدوس اصولي ، د ښوونې او روزنې پوهنځي رئیس ښاغلي پوهنیار سید کمال معنوي ، د محصلینو خدماتو چارو آمر ښاغلي صفی الله الکوزي، محصلینو او یو شمېر مدير صاحبانو ګډون کړی.
په ناسته کې د کندوز پوهنتون رئيس ښاغلي پوهنيار ضیاءالدین سیرت وویل ، موږ اوتاسې باید مقدس هدف وټاکو ترڅو په دې او هغې دنیا سرلوړي او بریالي اوسو ، همدا راز يې ځوانو محصلینو ته ، د خپل مهارتونو په لوړتيا ، او په داسې سمینارونو ، ورکشاپونو او درسونو کې د دوامداره توګه ګډون کولو سپارښتنه وکړه.
ورپسې د محصلینو چارو مرستيال ښاغلي پوهندوی عبدالقدوس اصولي ، وویل ، د محصلینو خدماتو چارو آمريت د محصلینو چارو معاونیت په همغږۍ او د محصلینو د ظرفيتونو لوړول په برخه کې د دا دډول ښوونیزو پروګرامونو لړۍ جاري ساتي.
هیره دې نه وي چې غونډې د پای شېبو کې دوامداره توګه ګډون کوونکو محصلینو ته د تصديق نامه په ورکولو سره یاد سیمینار پای ته ورسېده.
نېټه: چهارشنبه
11/11/1444/ه ق
10/3/1402 ه ش
د عامه پوهاوي او اړیکو مدیریت
