د کندوز پوهنتون رئیس د کندوز ولایت د خصوصي پوهنتونونو له رئیس صاحبانو سره وکتل.
د کندوز پوهنتون رئیس د کندوز ولایت د خصوصي پوهنتونونو له رئیس صاحبانو سره وکتل.
سه شنبه ۱۴۴۴/۸ / ۷ ه ق چې د ۱۴۰۱ / ۱۲ / ۹ ه ش نېټې سره سمون لري، د کندوز پوهنتون رئیس ښاغلي پوهنیار ضیاالدین سیرت د کندوز ولایت له خصوصي پوهنتونونو له رئیس صاحبانو سره د کندوز پوهنتون په ریاست کې وکتل.
یاده ناسته د کندوز پوهنتون رئیس ښاغلي پوهنیار ضیاالدین سیرت په وینا سره پیل او د کندوز ولایت د خصوصوي پوهنتونونو د رئیس صاحبانو په راتګ سره یې خوښي وښوده، او همداراز يې د غونډې اجنډا په اړه له ګډونوالو سره هر اړخیز موضوعات شریک کړل.
ورپسې د کندوز ولایت د خصوصي پوهنتونونو رئیس صاحبانو په خپل وار سره د کندوز پوهنتون مشرتابه له هغو لاسته راړونو چې په وروستيو کې د کندوز پوهنتون او د کندوز ولایت د خصوصوي پوهنتونونو د پرمختک او یو والي لپاره یې نېک اقدامات کړي مننه وکړه.
د کندوز پوهنتون د عامه پوهاوي او اړیکو مدیریت
