د کندوز پوهنتون رهبرۍ د خصوصي پوهنتونونو د څار او ارزونې په لړ کې دا ځل د امام محمد شیباني د لوړو زده کړو مؤسسې څخه لیدنه وکړه .
د کندوز پوهنتون رهبرۍ د خصوصي پوهنتونونو د څار او ارزونې په لړ کې دا ځل د امام محمد شیباني د لوړو زده کړو مؤسسې څخه لیدنه وکړه .
په دغه لیدنه کې چې مشري یې د علمي چارو مرستيال او د پوهنتون سرپرست رئيس ښاغلي پوهنیار غلام نبي څپاند کوله د محصلینو چارو مرستيال ښاغلی پوهندوۍ عبدالقدوس اصولي، علمي معاونیت اجرائیه مدیر ښاغلي عباد امین یې هم ملتيا کوله،له د امام محمد شیباني د لوړو زده کړو مؤسسې له اداري مشرتابه ، استادانو ، اداري کارمندانو او امکاناتو څخه لیدنه وکړه.
په یاده لیدنه کې د علمي چارو مرستيال او د پوهنتون سرپرست رئيس او د محصلینو چارو مرستيال د امام محمد شیباني لوړو زده کړو مؤسسې له بېلابېلو برخو څخه تر لیدني وروسته خوښي وښوده او زیاته یې کړه چي د افغانستان په کچه په خصوصي پوهنتونونو کي معیاري او په امکاناتو سمبال دلوړو زده کړو مؤسسې لري دا د ویاړ خبره ده. همدا راز یې په دغه ليدنه کې د استادانو ، کارمندانو حاضري ، لابراتوار ، کمپيوټر لب ، کتابتون او د ازموينې کمېټې ، د تضمین کیفیت او اعتبار ورکونې چېک لیستونو د هر اړخيزې څارنې ترڅنګ د لوړو زدکړو وزارت د هدایاتو مطابق اړوند څو هر اړخيزې سپارښتنې وکړې.
دغه راز د د امام محمد شیباني د لوړو زده کړو مؤسسې مشرتابه د کندوز پوهنتون رهبرۍ په راتګ سره خوښي وښوده اوهمدا رنګه ېې د مؤسسې له شته ننګونو، پرمختګونو په اړه معلومات وړاندې کړل.
د کندوز پوهنتون سرپرست رئيس ښاغلي پوهنیار غلام نبي څپاند د امام محمد شیباني د لوړو زده کړو مؤسسې سره د هر راز مرستې ډاډ ورکړ، او ویې ویل چې دا ډول لیدنې به جاري ساتو.
د عامه پوهاوي اړیکو او نشراتو مدیریت
نېټه: دوشنبه
22/12/1444 ه ق / 19/4/1402 ه ش
