پوهنمل حفیظ الله ايوبي - پوهنمل زبیر احمد مجددي د پوهندوی علمي رتبې په موخه کانفرانس وړاندې کړ.
پوهنمل حفیظ الله ايوبي - پوهنمل زبیر احمد مجددي د پوهندوی علمي رتبې په موخه کانفرانس وړاندې کړ.
سه شنبه 12/10/1444 ه ق 12/2/1402 ه ش سره سمون لري د کندوز پوهنتون ،د ښونې او روزنې پوهنځي د دري ژبې او ادبياتو څانګې کادري غړي ښاغلي پوهنمل زبیر احمد مجددي له پوهنمل علمي رتبه څخه د پوهندوی علمي رتبې ته د ترفیع په پار (د دري ژبې جوړښتونه د معاصرې ژب پېژندنې په لحاظ) او ترڅنګ یې د اقتصاد پوهنځي مالي او بانکي څانګې علمي کادر ښاغلي پوهنمل استاد حفیظ الله ايوبي د پوهنمل علمي رتبې څخه د پوهندوی علمي رتبې ته د (د افغانستان رول په سیمیزه ترانزيت کې) تر سرلیک لاندې خپل علمي کنفرانس د کندوز پوهنتون د مسلکي پرختیا آمریت په(PDC) تالارکې وړاندې کړ.
په دې کنفرانس کې د کندوز پوهنتون علمي چارو مرستيال ښاغلي پوهنيار غلام نبي څپاند، د مالي او اداري چارو مرستيال ښاغلي قاري محمد امير صادق ، د محصلینو چارو مرستيال ښاغلي پوهندوی عبدالقدوس اصولي ،ژوري پلاوي، د پوهنځیو ښاغلو رئیس صاحبانو او استادانو ګدون کړی وو .
ښاغلو استادانو خپل موضوعات په ډیر ښه شکل سره وړاندې کولو ترڅنګ د ګډونوالو پوښتنو ته د قناعت وړ ځوابونو په ورکولو سره پای ته ورسېده.
همداراز د ژوري پلاوي پورته یاد شوی کنفرانس تائید کړ او استادانو ته یې د څښتن تعالی له در باره دلازیاتو علمي بریاو هيله څرګنده کړه.
د کندوز پوهنتون دعامه پوهاوي او اړیکو مدیریت
