په کندوز پوهنتون کې د ١٤٠٢ کال کانکور آزموینې لړۍ پای ته ورسیده!
په کندوز پوهنتون کې د ١٤٠٢ کال کانکور آزموینې لړۍ پای ته ورسیده!
په یاده لړۍ کې 3000 زده کوونکو برخه اخيستې وه، دوه ورځې یې د بایومټریک او دوه ورځې یې د آزموینو اخیستلو ته ځانګړې شوې وه، چې د جمعې په ورځ، د ازموینې له اخیستلو وروسته بشپړه شوه.
کندوز پوهنتون ته د آزموینو ملي ادارې د راغلو پلاوو مشر، د يادې ازموينې لړۍ بریالۍ وبلله او زیاته یې کړه: په کندوز پوهنتون کې د ١٤٠٢ کال کانکور ازموینې لړۍ پرته له کوم خنډ او ځنډ څخه په پوره امانت دارۍ، شفاف ډول او امن په فضا کې پای ته ورسېده، همدارنګه راغلي هيئت پوهنمل سید غلام محمد هاشمي د پوهنتون له استادانو، اداري او خدماتي کارکوونکو او له امنیتي مسؤلینو څخه مننه وکړه، چې د یادې لړۍ په سرته رسولو کې یې نه ستړې کیدونکې هلې ځلې وکړې.
د کندوز پوهنتون رئیس پوهنیار ضیاءالدین سیرت صاحب وویل چې تیرې څلور ورځې یې د کندوز پوهنتون له هر ډول امکانات په کار واچول تر څو د کانکور ملي پروسه په کندوز ولایت کې شفافه او بریالۍ ترسره شي، نوموړي د آزموینو د ملي ادارې څخه د راغلي هیأت څخه مننه وکړه، چې په کندوز پوهنتون کې یې د کانکور آزموینې په چارو کې ستړیاوې وګاللې او مثبته نتیجه یې ترلاسه کړه.
نېټه: 24/1/1445 ه ق. 20/1/1402
د عامه پوهاوي اړیکو او نشراتو عمومي مدیریت
