کندوز پوهنتون مشرتابه له لوري رهبرۍ شورا ناسته ترسره شوه.
کندوز پوهنتون مشرتابه له لوري رهبرۍ شورا ناسته ترسره شوه.
د کندوزپوهنتون رئیس ښاغلي پوهنيار ضیاءالدین سیرت په مشرۍ، د پوهنتون علمي چارو مرستيال ښاغلي پوهنیار غلام نبي څپاند ،د محصلینو چارو مرستيال ښاغلي پوهندوی عبدالقدوس اصولي ، د بشري سرچينو لوی آمر او د مالي او اداري چارو سرپرست ښاغلي محمد انور عمرخېل، د پوهنځیو ښاغلو ریئس صاحبانو او د یاد پوهنتون د رهبري شورا غړو په ګډون کړی و، رهبري شورا ناسته د یاد پوهنتون په ریاست کې ترسره شوه.
یاده غونډه دقران کریم د څو مبارکو آیاتونو په تلاوت سره پیل شوه.
ورپسې د کندوز پوهنتون رئيس ښاغلي پوهنيار ضیاءالدین سیرت د غونډې ګډونوالو ته د ښه راغلاست ترڅنګ د لوړو زده کړو محترم وزارت د عالي شورا د پرېکړې په اساس د کندوز پوهنتون په اډانه کې د معالجوي طب پوهنځي ایجاد ، د ستوماتلوژي پوهنځي د بیا ځلې آحيا ايجاد، وروستيو پرمختګونو او ستونزو په اړه خپلې ارزښتناکې خبرې وکړې.
ورپسې علمي چارو مرستيال ښاغلي پوهنیار غلام نبي څپاند خپلې ارزښتناکې او د اجنډا اړوند علمي ویناوې ګډونوالو ته واورولې.
همدارنګه په دغه ناسته کې د محصلینو چارو مرستيال ښاغلي پوهندوی عبدالقدوس اصولي او د رهبري شورا ښاغلو غړو دکندوز پوهنتون د رهبرۍ هڅې وستایلې چې په وروستيو کې د کندوز پوهنتون پرمختګ او د ځوان کهول لپاره د یو ښه چاپيريال په برابرولو کې هڅې کړي او لا یې هم کوي د مننې ترڅنګ د اجنډا اړوند معلومات له ګډونوالو سره شریک کړل.
یاده ناسته د څو علمي او اړنیو موضوعاتو پرېکړو او تصميمونو په نيولو سره پای ته ورسېده.
ورځ: یکشنبه
نېټه: 8/11/1444 ه ق ، 7/3/1402 ه ش
د عامه پوهاوي او اړیکو مدیریت
