په کندوز پوهنتون کې د فوټبال پيل شوې سيالۍ د ښوونې او روزنې پوهنځي په بري پای ته ورسېدې.
په کندوز پوهنتون کې د فوټبال پيل شوې سيالۍ د ښوونې او روزنې پوهنځي په بري پای ته ورسېدې.
یادې سیالۍ څلور اونۍ وړاندې د کندوز پوهنتون داخلي چمن کې پيل شوې وې چې د ښوونې او روزنې پوهنځي لومړۍ د کرنې پوهنځي دوهم او د اقتصاد پوهنځي دریم مقام خپل کړ.
د یادو سياليو پای لوبې په مراسمو کې د کندوز پوهنتون رئيس ښاغلي پوهنيار ضیاءالدین سیرت، علمي چارو مرستيال ښاغلي پوهنیار غلام نبي څپاند، د محصلینو چارو مرستيال ښاغلي پوهندوی عبدالقدوس اصولي ،د پوهنځیو ښاغلو رئیس صاحبانو ، ښاغلو استادانو، د کندوز ولايت د فوټبال فدراسيون معاون خیر محمد خیراندیش ، اداري کارمندانو ،محصلینو او یوشمیر مدرسو حافظانو ګډون کړی وو.
په مراسمو کې د کندوز پوهنتون رئيس ښاغلي پوهنيار ضیاءالدین سیرت د سیالیو اتلې لوبډلې ته د مبارکۍ تر څنګ په خپلو خبرو کې وویل: ورزش د روغتیا ضامن دی، او ځوانان هغه قشر دي چې، پر مټ یې یوه سالمه ټولنه رامنځ ته کولای شو.
په پاي لوبې غونډه کې لومړی دوهم او دریم مقام پوهنځیو ته چمتو کړي کپونه او مډالونه د کندوز پوهنتون رهبرۍ له لوري ډالۍ شو.
نېټه: دوشنبه ، 23/11/1444 ه ق ، 22/3/1402 ه ش
د عامه پوهاوي اړیکو او نشراتو مدیریت
