په کندوز پوهنتون کې د اسلامي نړۍ د سیاسي وضعیت په اړه درې ورځنی سمینار پیل شو!
د کندوز پوهنتون د دعوت او ارشاد آمریت له لوري د شرعیاتو، طب معالجوي، ستوماتولوژي، کمپیوټر ساینس او حقوقو او سیاسي علومو پوهنځیو محصلانو ته د «د اسلامي نړۍ سیاسي وضعیت» تر عنوان لاندې درې ورځنی سمینار نن پیل شو
په دې سمینار کې د یادو پنځو پوهنځیو محصلانو ته د اسلامي نړۍ د اوسني سیاسي وضعیت، مهمو بدلونونو او اړوندو موضوعاتو په اړه معلومات او لازمې لارښوونې وړاندې کېږي
دغه درې ورځنی سمینار د کندوز ولایت د علماوو شورا د غړي شیخ ممتازالله آغا له لوري وړاندې کېږي
د سمینار د پیل په مراسمو کې د یادو پوهنځیو ګڼ شمېر محصلانو ګډون کړی و او ټاکل شوې ده چې د درې ورځو په ترڅ کې به بېلابېلې اړوندې موضوعات له محصلانو سره شریکې شي
د کندوز پوهنتون د دعوت او ارشاد آمریت له لوري د دغه ډول علمي او فکري پروګرامونو جوړول د محصلانو د دیني او فکري پوهاوي د کچې لوړولو په موخه ترسره کېږي
