د کندوز پوهنتون رئيس په مشرۍ رهبري شورا ناسته ترسره شوه
د کندوز پوهنتون رئيس په مشرۍ رهبري شورا ناسته ترسره شوه
یاده غونډه چې د ریاست په دفتر کې ترسره شوه په کې د کندوز پوهنتون رئيس ښاغلي پوهنیار ضیاءالدین سیرت په ګډون د علمي چارو مرستيال ښاغلي پوهنیار غلام نبي څپاند ، مالي او اداري چارو مرستيال ښاغلي قاري محمد امير صادق ، د محصلینو چارو مرستيال ښاغلي پوهندوی عبدالقدوس اصولي او د رهبرۍ شورا ښاغلو غړو ګډون کړی و.
غونډه د علمي چارو مرستيال ښاغلي پوهنیار غلام نبي څپاند د ګډونوالو ته د ښه راغلاست سره پیل شوه او ترڅنګ يې د رهبرۍ شورا ناستې د اجنډا اړوند د تضمین کیفیت او اعتبار ورکونې د مستنداتو ، د علمي چېړنو معاونيت ځای ، علمي چېړنو مرکز جوړول او یوشمېر نورو اړينو موضوعاتو په هکله ګډونوالو ته معلومات وړاندې کړل .
ورپسې د کندوز پوهنتون رئيس ښاغلي پوهنیار ضیاءالدین سیرت د مقدمې په توګه د نظام پايښت د مسؤلیتونو ښه مخته وړلو اړوند خپلې علمي ویناوې وکړې.
دغه راز په آزاد بحث کې د مالي او اداري چارو مرستيال ښاغلي قاري محمد امير صادق په ګډون ، د محصلینو چارو مرستيال ښاغلي پوهندوی عبدالقدوس اصولي د رهبري شورا ښاغلو غړو د اجنډا اړوند خپلې ارزښتناکې خبرې ګډونوالو سره شریکې کړې.
غونډه د ښو پایلو له ترلاسه کولو وروسته په یوشمېر اړینو موضوعاتو نظرونه وړاندې شول او د تصمیمونه ترڅنګ څو اړینې پرېکړې ترسره شوې.
یاده رهبري شورا ناسته د شریعاتو پوهنځي رئیس ښاغلي م و ل و ي صاحب عبدالصمد سلمي په دعا پای ته ورسېده.
د عامه پوهاوي اړیکو او نشراتو عمومي مدیریت
نېټه: شنبه 12/1/1445 ه ق
7/5/1402 ه ش
