په کندوز پوهنتون کې د شیخ صاحب امیرالمؤمنین حفظهالله د فرمانونو د تطبیق په لړ کې د اتمې اونۍ درس ترسره شو
د ټاکل شوي مهالوېش له مخې، د شیخ صاحب امیرالمؤمنین حفظهالله د فرمانونو د ارزښت، محتوا او عملي تطبیق په اړه د اتمې اونۍ درس د کندوز پوهنتون په مسجد کې د پوهنتون رئیس الحاج مولوي صاحب عبدالهادي همت له لوري وړاندې شو
په دغه علمي او دیني درس کې د پوهنتون مرستیالانو، د پوهنځیو رئیس صاحبانو، استادانو، کارکوونکو او ګڼ شمېر محصلانو ګډون کړی و
الحاج مولوي صاحب عبدالهادي همت د شیخ صاحب امیرالمؤمنین حفظهالله د ۱۷مې ګڼې فرمان پر بنسټ، د مصیبتونو پر مهال او د حج او عمرې د مراسمو په وخت کې د ناسمو رواجونو او دودونو په اړه هر اړخیزې خبرې وکړې
مولوي صاحب د خپلو خبرو په ترڅ کې د مصیبتونو پر مهال د اسلامي لارښوونو رعایت او له ناسمو او غیرشرعي رواجونو څخه د ډډې کولو پر اړتیا ټینګار وکړ. همدارنګه یې د حج او عمرې د مراسمو پر مهال د هغو دودونو او رواجونو په اړه چې له اسلامي لارښوونو سره سمون نه لري، ګډونوالو ته لازم معلومات وړاندې کړل
