د کندوز پوهنتون علمي شورا ناسته ترسره شوه.
د کندوز پوهنتون علمي شورا ناسته ترسره شوه.
دکندوزپوهنتون رئیس ښاغلی پوهنيار ضیاءالدین سیرت په مشرۍ د علمي چارو مرستيال ښاغلي پوهنیار غلام نبي څپاند ، مالي او اداري چارو مرستيال ښاغلي قاري محمد امير صادق ، د محصلینو چارو مرستيال ښاغلي پوهندوی عبدالقدوس اصولي د پوهنځیو ښاغلو ریئس صاحبانو اود یاد پوهنتون علمي شورا ښاغلو غړو په ګډون د کندز پوهنتون علمي شورا ناسته د غونډوپه تالارکې ترسره شوه.
یاده غونډه د دقران کریم د څو مبارکو آیاتونو په تلاوت سره پیل شوه.
ورپسې د علمي چارو مرستيال ښاغلي پوهنيار غلام نبي څپاند د علمي شورا غړو ته د ښه راغلاست ترڅنګ د روستيو پرمختګونو ، او د اجنډا اړوند په څو اړینو موضوعاتو خپلې ارزښتناکې خبرې وکړې.
ورپسې د پوهنتون رئيس ښاغلي پوهنیار ضیاءالدین سیرت په علمي شورا کې د یوشمېر نوو غړو ته ښه راغلاست وويل او دغه راز يې د پوهنتون په نوو پرمختګونو او رهبرۍ په تصمیمونه خبرې وکړې.
همدارنګه د مالي او اداري چارو مرستيال ښاغلي قاري محمد امير صادق د په ابدان دښته کې د پوهنتون اړوند تعميراتو د رغنيزو چارو او راتلونکو پلانونو په اړه ګډونوالو سره هر اړخيزه معلومات شريک کړل.
په غونډه کې د محصلینو چارو مرستيال په ګډون او د پوهنځیو ښاغلو رئیس صاحبانو د شورا ښاغلو غړو په خپل وخت د اجنډا په اړه بحث او نظرونه وړاندې کړل.
په ازاد بحث کې د پوهنتون مشرتابه له خوا د علمي شورا ښاغلو غړو وړاندیزونه، نظرونه واورېدل او اړینې تصمیمونه او اړینې پرېکړې وشوې.
نېټه : دوشنبه 14/1/1445 ه ق , 9/5/1402 ه ش
کندوز پوهنتون د عامه پوهاوي اړیکو او نشراتو عمومي مدیریت
